امي للشاعر غانم الفياض

امي .. امي سجادة صلاتي
بليل الولاية الغريبة

و امي اجمل لوحة بعيون الحبيبة
امي الولاية الوحيدة التنطي كلشي ... تنطي كلشي بلا ضريبة
امي تاريخ العراق بين ايديها
امي يا طير الاشوفة يكول سلملي عليها
امي ما تعرف تعاتب و العتاب يضيع باول ضحكة من نكبل عليها
بس تموت من القهر بالعيد اذا محد يجيها
و احنة ننذب شوكـ و نعرف حزنها
مثل ما جنا كبل وكت الطفولة ننام بس نندل ثديها
و امي بأيام الحرب دمعتها ساتر
يمنة جانت عينها و نسمع بجيها
و آني اتحدى اليدور ذاكرة كل الحروب
و ما يشوف عيون ام و دمعة بيها

الله الله عاشت الايادي لو اكو اغلى من الام جان وصفت الموضوع لكن هنا الام والله تحير الكلمات وتعجز العقول تحياتي